GPS, Anaki Phom jenjang ajungket

Dimapur, April 9 (TYO) : April 5, 2016 nü SDEO, Longleng, Wt. Temsusenla Jamir-i GPS, Anaki Phom Govt. Middle School akümba official süa metetdaktsü.
Lai ketdangsüa reprangba school tem madak iba school ya tajungtem rongnung ka lir, ta Temsusenla-i tongti tesemdanger o jembidang ashi.
School ketdangsertemi school ki aser temeket merükmejua ayuba atema aser ano excursion programme den tanga co-curricular activity tem ayongzüka agiba atema laisa tenüngsang agütsü.
Tesayurtemi pei tajungtiba agi school tanurtem renlokdaktsütsü atema SDEO, Longleng-isa ayongzük.
Iba sentong nung Phom People’s Council tir, H. Leisha aser Asst. District Co-Ordinator, DMA, Longleng Henty Phom natia o jembia liasü.
Sentong nung mendenji C. Pautang Phom Teacher liasü, Pastor S. Kanlong-i temoatsü meshia sarasadem, Teacher incharge O.Baukam-i tesentepertem pela agizük aser VEC Chairman T.Ongvai-i anküp tepela o jembi.
Sentong nungsa school tanurtemia ken ka aten aser Gaonbora M. Pongshen-i tatsüka jembi.