Grace Within Trinity den sensaksem agiba osang

July 09 2016 : Grace Within Trinity (GWT) ya Tura, Meghalaya nungi Christian progressive metal band lir. Parnoki kensü balaka ajanga temeim, yimjung aser amalitep osang abener. 2014 küm parnoki ‘The Day I fall’ ken adokba sülen ajaki kanga sapua aküm.
The Northeast Today (TNT)-i parnok dang GWT  ya kodang aser kechi ajanga tenzüktsü tejangraba aru ta asüngdangdang parnoki, Grace Within Trinity ya Tura, West Garo Hills Meghalaya nungi Khristan progressive Metal ken atener telok ka lir. Iba telok ya June, 2013 nung ‘Recital Enduranc’ ta tenüng agütsür tentet aser tatsüka lir Grace Within Trinity ta melen. Iba telok ya tesüiba mapang iba telok nung ken atensang, Paul Rongrik Sangma aser tesüiba mapang guitar tema alisang Agasa Chegam Sangma nati tentet aser tesülen bass atemtsü asoshi Chekam, drum atemtsü atema Achugra aser guitar atemtsü atema Hardy nunger aden. Kenten sentong aika ayonga akaba sülen onoki July 27, 2014 nung onoki zülua mejemna ken ‘The day I Fall’ saya. Ajisüaka iba ken sayar hopta ishika lir külen pa nija mapa kar ajanga joko telok nung medentettsü ta shia Hardy-i telok yutsü.
Hardy melena Amsrang Sakagami guitar atemtsü aniok aser iba den külemi Agasa Chegam melena guitar atemtsü atema Edward Ariev aniok. Ano Rongrik Sangma-ia telok toktsü aser pa melena January 2016 nung guitarist Hardy Sangma aniok. Ozü teloki Hallal Praise 2014 nung tanabuba jenjang nung takok ngua liasü aser kasa sentong nung drum aser bass atemsang nati best drummer aser bassist sempet angu. Battle Rock 7, 2015 nung onoki takok angu aser iba mapang ozü telok nungi best drummer aser guitarist sempet angu. Ibaji dang masü saka ano Bodo Rock Clash 2016 tetoktepba nunga onoki takok angu aser iba mapang onok telok nungi best drummer, guitarist aser bassist sempettem angu. Onok telok nung tang nisung pongu lir— Hardy Sangma-i ken atener, Amsrang Marak-i guitar atemer, Edward Sangma-ia guitar atemer, Chekam Sangma-i bass atemer aser Achugra Sangma-i drum atemer, ta ashi.
Ano TNT-isa panok dang kechiba nenoki iba ‘genre’ shim ta asüngdangdang GWT-i , “Onoki onok indang kenji progressive metal-core genre nung aginer. Iba genre shimba ajanga onoki müsic tapu balala aika khen nung amshiteter. Onok ya kentener telok aser kija kentener August Burns Red, As I Lay Dying, Shapist, Veil of Maya, Intervals aser Vildhjarta nunger ajanga kanga jangradaktsü. Onoki parnok mesüka atemtsü merangba ajanga onoki iba genre ya shimba lir,” ta langzü.