Gracy Singh-i ken mejema atener ka kümner

Mumbai, April 29, 2016 : Tang TV show “Santoshi Maa” nung goddess Santoshi ama shilem tagidak alila, actress Gracy Singh-i ken mejemtsü jangrar aser lai mejemba kenji sabang tulu nung tenür,” ta ashi.
“Ni music ya yakta nungi meimer aser ibaji ajanga ni tsüngsangdang kanga tajangzük angur. Anungji ni ken mejema menüngoker iba ken nungji tsüngsangtsüji kü tejangraba rongnung ka lir. Ni khenü anogobosa ibaji inyaktettsü imlar,” ta Gracy-i sangdong ka ajanga metetdaktsü.
TV show, dak alaka Gracy-i “Lagaan: Once Upon a Time in India”, “Gangaajal” aser “Munnabhai M.B.B.S.” film tem nunga shilem agia lir.