Graham Staines taküm otsü indang film sayatsü

Dimapur, March 27 (TYO): Australia nunger missionary asür Graham Staines taküm otsü nung ajemdaker yangluba film “The Least Of These: The Graham Staines Story” March 29, 2019 nü India nung sayatsü.
Australia nunger Christian missionary asür Graham Staines-i Odisha (Orissa) nung sensaker lisopurtem aser zütsüra agi kangshirtem yari. Ajisüaka, Hindu tamangba telok Bajrang Dal züngsemtemi January 23, 1999 nü Staines den par jabaso ana Philip (10) aser Timothy (6) nunger reshikangshia mi agi rongset.
“The Least Of These: The Graham Staines Story” film ya Aneesh Daniel-i direct asü aser Stephen Baldwin, Shari Rigby o Prakash Belawadi nungertemi shilem agi.
Dimapur nung iba film sayatsüba indang osang tejangjabo ano mangazük saka sayatsü süra Hillstar Digital Cinema aser FUN Cinemas Playbox nung sayutsü akok.