Grammy winner DJ Zedd India nung shilem agitsü

January 25, 2017 (Agencies): Grammy award angusang DJ Zedd Pune benjong nung shilem agitsü. Sentong ayongertemi ashiba agi, Sweden nunger Eric Prydz aser hip-hop kentener Macklemore nungertema iba kentenba sentong nung shilem agitsü.
Anton Zaslavski shibadang Zedd ta ajar, pa Skrillex aser The Doors ‘Breakin A Sweat’ kentem yangluba ajanga küm ishika tejakdang alimai meteta aküm, iba sülen pa indang kensep ‘True Colors’ saya, koba top dance/ electronic kensep shilem nung 2016 küm Billboard Award angu.
Arishi küm 27 tain musician ya alima nung tsüngsang ken yanglur rongnung tajungtiba ka lir. Lady Gaga, Black Eyed Peas, Kesha, Ellie Goulding, Selena Gomez aser Justin Bieber nunger amala nüngtugu kentener aika pai produce asü.
Iba 4buba benjung nung big room, hip-hop, electro, house, trance, techno aser drum n’ bass kentenba yimya balala sayatsü.