Grassroots Football Coaching camp tanü tembanger

Dimapur, March 30 : Dimapur nung tang tagidak Grassroots Football Coaching Camp nung adenertem noksa ka yangi angur.

Kohima, March 30 (TYO) : Nagaland Football Coaches Association (NFCA)-i ayonga Dimapur nung angati Grassroots Football Coaching Camp March 31 nü tembanger.
Tatembangba sentong nikongtsütsü 3:00 ako nungi tenzüktsü. Iba sentong nung Kuchi R. Zeliang, Director Barak FC & Managing Director Case Construction & Founder Member Youthnet Nagaland & Executive Member DDFA tongti tesemdanger asütsü.
Taoba mapang nung professional footballer aser Football Coach AFC “C” certificate bena alisang NFCA tir Roko Angami-i iba sentong lenitsü.
Maneni iba sentong nung melepzüng o NFCA tongti zülur Ayeto Ayemi-i jembitsü. Sentong tatemi sempet agütsüba aser osangbenertem den sensaksemba mapang alitsü.

Grassroots Football Coaching camp tanü tembanger added by nungsang on March 30, 2017
View all posts by nungsang →