Greece linük nung mezüngbuba tetsür Ato Kilonser shim

Greece linük nung Supreme Court Tir, Vassiliki Thanou mezüngbuba tetsür Ato Kilonser inyaka atatsü August 28, 2015 nü shimogo aser la taküm September ita linük nung election magi tashi lai sorkar ketdang süa atatsü.
Linük nung taoba Ato Kilonser, Alexis Tsipras pa sasa pa menden nungi alu, aser iba menden tazüng melentsü atema Greek Parliament nung party asem teloktep agi mekoki sorkar raksaba ajanga Tir Prokopis Pavlopoulos-i Vassiliki shim. Taoba Ato Kilonser linük nung mepetmesü kar adokba ajanga pasasa menden nungi alutsüsa kümadok.
Vassiliki Thanou, Greece, Chalcis yimti nung 1950 küm aso, Greece Supreme Court asem rong nung la-a 2015 July ita Court of Cassation nung Tir shim aser tang tashi la Greek Association of Judges and Prosecutors (SAD) nung Tir mapa teinyakdak.