Green Day indang ‘American Idiot’ Movie HBO-i agizükogo

October 07, 2016: Mapang talangka nungi yongyaa aliba Green Day indang American Idiot kensep film HBO-i agizükogo.
Iba osang metetdaktsüdang Green Day tongti züngsem, Billie Joe Armstrong-i NME magazine dang, iba film sentong jelia yangluba ama atalokdar aser iba film nung pai St. Jimmy ama shilem agitsü, ta ashi.
“HBO-i iba film agizükogo aser film otsü tera teyanglushidak lir. Film tangokba kodang nungi tenzüktsü’ar mejangja saka mapang tetemsü nung ajak inyaktsü,” ta Joe-i ashi.
Iba film ya mezüng 2013 küm sangdonga liasü, iba sülen küm ka lir playwright, Rolin Jones-i pai film otsü züluba maparen temdar, ta metetdakja liasü.
“O jembiba aika malitsü, aser film tatsütiba nung yanglutsü,” ta pai jembia liasü.
2004 küm Green Day-i American Idiot kensep sayaa liasü, koba ajanga par telok tanaben asentenshi. Iba ya mezüng 2009 küm stage musical yanglua liasü.
Küm ka sülen iba show ya mezüng St. James Theatre nung kaa show 422 tashi liasü.