Group Commander Brigadier M S Nikam-i NCC Camp semdang

Dimapur, June 19 (TYO) : June 15, 2016 nungi Mokokchung nung NCC camp amunger aser June 17 nü Group Commander NCC, Nagaland State, Brigadier M S Nikam-i camp semdanga liasü.
Iba mapang Brigadier M S Nikam-i Cadets dang telongjem aser tashi angaba tangatetba alitsü ayongzük.
Iba training ajanga Cadets kechisarena ajak angazükdaktsütsüla aser NCC Cadets-i pei Schools/Colleges nung tanga kaketshirtem atema tatishitsü tajung asütsüsa alitsüla, ta paisa ayongzük.
Paisa Nagaland state aser NCC indang omenji kasadang aser ibaji ‘Telongjem’ lir, ta ashi.
Group Commander-isa 25 NL (I) Coy NCC Mokokchung kübok Associate NCC Officers 30 den ajurutepa sensaksem.
Parnok ya Longleng, Mokokchung, Mon, Tuensang, Zunheboto district tem kübok schools aser colleges nungi lir.
Group Commander-isa School/ College Principal tem aser tsüraburtem dang parnok kaketshir aser chirnurtem NCC maparen nung shilem agidaktsüba atema pelaba metetdaktsü.