GST ajanga subsidised LPG cylinder jenjang atur

New Delhi, July 4 (Agencies): Goods and Services Tax (GST) tenzükba ajanga Mongulbarnü Subsidised Liquefied Petroleum Gas (LPG) cylinder indang jenjang ajungketogo.
Tanü nungi New Delhi nung subsidised LPG cylinder ka nung sen 32 ajungkettsü aser tangalen iba den teimba asütsü.
Public sector petroleum distribution company temi jenjang tasen latetba nung New Delhi nung 14.2 kg cylinder kaji sen 477.46 asütsü. July 1, 2017 matongdang cylinder ka nung sen 446.65 liasü.
Jenjang tasen sülen Kolkata nung cylinder ka nung sen 480.32 aser Mumbai nung sen 491.25 asütsü.
June 25, 2011 nung domestic subsidised LPG cylinder nung sen 50 ajungketba sülen tang teimba ajungketer asütsü.