GST bill agizüktsü renema lir: Venkaiah

Chennai, Jan. 03 (Agencies): Union urban development minister, M Venkaiah Naidu-i, Parliament special session nung Goods & Services Tax bill agizüktsü renema lir, ta ashi.
Tanü Chennai anasa aliba Alstom’s Sri City factory nung tang mezüng Kochi Metro Rail coach lapoktsüba sülen osangbenertem den jembidang pai, “Onoki Congress lenirtem ajuruogo. Iba bill agizüktettsü atema onok renema lir aser Congress-i ano maneni iba bill nung o lemtep kanüra onoki melunga dang lir. Congress-i Rajya Sabha nung rongrong adokdaktsüba ajanga iba bill magizükteter,” ta ashi.