GST Bill atema sorkari maneni opposition den jembitsü: Venkaiah

New Delhi, April 21 (Agencies): Tang linüki Goods & Services Tax (GST) Bill nüngdaker ta shia tanü Union Minister, M Venkaiah Naidu-i, April 25 nü nungi tenzüktsü aliba tanabuba Budget senden nung iba Bill agizüktettsü atema sorkari opposition dang maneni mepishitsü, ta metetdaktsü.

Yangi osangbenertem den jembidang Parliamentary Affairs Union Minister, Venkaiah Naidu-i, “Atangji GST atema onoki party timba ka den o lemtepogo. Onük ka-ana ano anünga lir aser iba atemaji onoki opposition dang mepishitsü, aser onoki iba bill agizükdaktsüner, kechiyong tang GST nüngdaker,” ta ashi.

GST onüktem atema sorkari opposition party tem den iba onük melemteper, ta Congress-i aitsüba dak sentakba nung Naidu-i, “Onoki Congress den jembia aruogo aser Bill mebenokdang ano maneni parnok den tatembangsüa jembitsü. Ni tamang akar (Budget senden nung iba bill agizüktsü),” ta ashi.

Parlaiment nung tanabuba Budget senden April 25 nü nungi tenzüktsü aser May 13 nü tashi agitsü, aser iba dak sentakba nung Naidu-i, “Lok Sabha nung Bill 13 benoktsü aser onoki GST bill-a benoktsü tebilemba lir. Onoki tanga party tem dena o lemtepdar,” ta metetdaktsü.

GST Bill ya yaküm May ita nung Lok Sabha nungbo agizükogo, ajisüaka Rajya Sabha nungbo sorkar tashi nung aliba NDA züngsemtem peria maliba ajanga tang tashi magizükteti lir.

Naidu-i ashiba agi, iba senden nung tongtibangsüa financial business atema jembitsü aser Rajya Sabha nung teshimtet ministry kar indang jembitsü.

Iba dak alia Railways aser General Budget Appropriation Bill tem den Finance Bill atemaa jembitsü, ta paisa ashi.

Lok Sabha nung DoNER, HUPA, Skill Development, Social Justice, Civil Aviation aser Tourism ministry tem atema senotsü aser Rajya Sabha nung Health & Family Welfare, HRD, Finance, MSEM aser External Affairs ministry tem atema jembitsü, ta pai ashi.

Minister-isa, “Parliament nung Ordinance ana- Uttarakhand Appropriation (Vote on Account) Ordinance, 2016 aser Enemy Property (Amendment and Validation) Second Ordinance, 2016 na melentsü Bill benoka jembitsü. Tamalen ordinance anapronglaji benokogo aser anapronglaji Parliament-i agizüktsüla,” ta ashi.

Rajya Sabha nung Appropriation Act, Whistle Blowers Protection, Industries Regulation, Mines & Minerals, Child Labour Prohibition aser Anti-Hijacking Bill tem benoka jembitsü, ta paisa shisem.