GST Council den totzü tebilemtsü lemsatep

New Delhi, Monupii (May) 4 (Agencies): Totzü nung jenjang atuba tebilemtsü GST Council dangi benogo aser one-tax system kübok petrol aser diesel jenjang dendaktsütsü atema mepishiogo ta Union Petroleum Minister, Dharmendra Pradhan-i Rogonü (Hokolbar) ashi.
“State ajak nung petrol jenjang tupet atur. Iba tebilemtsü ya GST Council dangi benogo aser parnoki telemtetba ka agitsü” ta Pradhan-i ashi.
Centre sorkari ashiba agi crude oil jenjang teimba akümba ajanga petrol aser diesel jenjangtem atutsüsa akümer.
Taoba mapang Pradhan-isa petroleum product ajak GST kübok dendaktsünür ta jembiogo saka ibaji mapa küma meinyaki lir.
Osang angazükba agi, tang petrol litre nung sen 73 agi ayoker saka totzü ya GST kübok idaktsüra petrol litre nung sen 38 tashi ajemtsü akok.