GST: Movie tickets, insulin, school yangkhutem jenjang dalangba akümtsü

New Delhi, June 11 (Agencies): July 1, 2017 nung India nung Goods and Services Tax (GST) mapa küma tenzüktsü lir, aser Deobarnü GST Council senden 16 buba amendang oset kar nung saru ajemba osang metetdaktsüogo.
Tanü senden tembangba sülen Finance Minister Arun Jaitley-i osangbenertem dang ashiba agi, parnoki items 66 indang saru meyipa reprangshim.
Parnok dang items 133 indang saru reprangshimtsü atema asüngdang aser item rongnungi items 66 indang saru melenshiogo, ta paisa shisem.
Tongtipang melenshibatem:
1) Movie Tickets: Regional film industry nungi tebilembatem lemsatepba nung ajemdaker GST Council-i sen 100 dak tajemba movie tickets jenjang nung 28% agitsü ta asüba nungi 18% agitsü ajemogo. Ajisüaka, sen 100 tema movie tickets jenjangbo kasa dang asütsü.
2) Insulin: Taoba mapang parnoki insulin nung saru 12% agitsü ta latet saka ibaji 5% ajemtsüogo. Maneni health industry atema teyari agüja, dental wax nung 28% agitsü ta asüba nungi 8% ajemtsüogo.
3) Packaged food: Chutney, murabba, pickle, ketchup, toppings, instant food mixes amalatem nung 18% agitsü ta asüba nungi 12% ajema kümtsüogo.
4) School Items: Tsüraburtem atema school bill ajema akümtsü akok, kechiyong GST Council-i school yangkhu nung saru 28% agitsü ta asüba nungi 18% kümtsüogo, exercise books nung 18% aliba nungi 12% aser coloring books 12% aliba nungi tazüngla kümtsü.
5) Printers: Computer printers nung mezüngbo saru 28% agitsü ta latet saka tanü ibaji 18% kümtsüogo.
6) Cutlery: Cutlery (knives, forks & spoons) nung saru 18% aliba nungi 12 ajemtsü.
7) Tractor components: Tsünüsenbongba maparen nung tractor indang jenjang ajema akümtsü, kechiyong tanü GST Council-i tractor osettem nung saru 28% nungi 18 ajemtsü.
8) Plastic items: Plastic industry-i GST saru tajemba agitsü atema asüngdanga aru aser tanü council-i plastic beads nung saru 28% agitsü ta asüba nungi 18% aser plastic tarpaulin nunga 28% nungi 18% ajemtsüogo.
9) Agarbatti: Agarbatti (incense sticks) industry-i saru ajemtsü atema asüngdanga liasü aser parnoka saru 12% nungi 5% kümtsüogo.
10) Cashewnuts: Cashewnuts indang jenjang dalangba akümtsü akok kechiyong council-i cashewnuts nung saru 12% aliba nungi 5% kümtsü.
GST Council ya June 18, 2017 nü ano senden amentsü aser iba mapang lottery tickets, e-way bills indang jenjang latettsü.