GTC-i 12 buba Convocation sentong agiogo

Mokokhung, April 20 (TYO): Grace Theological College (GTC)-i Mokokchung kübok Grace Hall nung 12 buba Convocation sentong agiogo.
2000 küm tentetba GTC (Correspondence Course) ya IIMRC nung züngokba lai bushidak ka lir.
Doctor of Theology nung 1, Master of Theology nung 2, Master of Divinity nung 7 aser Bachelor of Theology nung 1 densema, laishir 11-i taküm par lai bushibaren renema liasü.
Parnok ajak arogo aser Tsüngrem tenzükba wadang balala nung tetsüng ajemdoka alirtem lir.
Parnok rong nung Rev. Elyas Haile M.Th. (A.P)-i 2016 General Academic Award agizükba osanga jangjaogo.
“Santemi pei shisabolu jenti bener nenok aru yongya atar anungji, tekülem kidang sayutsüngiba den külemi, kiboka sema pei santem den tsüngdong ajurutepa osang tajung lemsapteptsü ajungshir,” ta tanü sentong nung onük jembir, Dr. Aotemsüi metetdaktsü.
“Rongsen tajangzük angutsü masü saka tanelar wadang akoktsü asoshi nübo tali yoksemtsü nükjidong nung iba lai bushidak ya tentet,” ta GTC tentetsang, Rev. Dr.I. Imkong Jamir-ia tanü sentong nung lemsatepa liasü.
Ano külen, 2016 küm asoshi admission tenzüka lir aser tejangrartemi phone no. 9402988869 ajanga tongtepratepa osangtsüsang agitettsü.