Guangzhou Open: Mirza o Hingis nati tetsür doubles takok marok agizükogo

(Abelen) India tsür, Sania Mirza aser Switzerland tsür, Martina Hingis nati Guangzhou International Women’s Open Tennis Tournament tetsür doubles shilem indang takok marok amer aliba noksa nung angur. (Achijilen) Singles shilem indang takok marok agizükba sülen Serbia tsür, Jelena Jankovic-i takok marok dak mesepba noksa angur. (Guangzhou, September 26)

Guangzhou, September 26 (Agencies): India’er tetsür tennis asayar mongin, Sania Mirza aser la den külemi asayala, Switzerland tsür, Martina Hingis nati final asaya koka Guangzhou Open tetsür doubles shilem indang takok marok tanü Honibar nü agizükogo.
Tetsür doubles shilem nung World No. 1 jenjang abener, Mirza o Hingis nati tanü points 6-3, 6-1 ngua China tsür Shilin Xu aser Xiaodi na final asaya nung tsükdaktsü.
2015 Wimbledon aser US Open takok marok densema, Mirza o Hingis nati taküm 2016 küm tenzüker tanü tashi nung takok marok 7 buba agizüka lir.
Serbia tsür, Jelena Jankovic-ia Czech Republic tsür, Denisa Allertova madak final asaya koka tetsür singles shilem indang takok marok tanü agizükba osang jangjaogo.
Tan asayamong nung 4 buba jenjang abenla, Jankovic-i tanü ghonda 1 ser minute 10 nung points 6-2, 6-0 ngua Allertova final asaya nung ayong ayonga tsükdaktsü.
Taoba tetsür World No. 1, arishi küm 30 tain Jankovic-i tan agizükba densema singles shilem indang takok marok 14 tashi agizüka lir.