Guido Pella-i mezüngbuba ATP title kokogo

Metsüremi/March 4, 2019 (Agencies): Argentine nunger asayar Guido Pella-i Deobarnü Sao Paulo nung Brasil Open final nung 7-5 6-3 agi Christian Garin madak takok ngua pa asoshi mezüngbuba ATP title koktetogo.
Pella-i taoba mapang nung ATP finals pezüben tashi tongtetogo saka khen danga takok ngua mali, ajisüaka pai final asaya nung aibelen kecha mesüi Chile nunger asayar madak takok ngua liasü. Pai asayamung peyong set ka danga drop mesüi asayaogo.
Arishi küm 28 tain Guido tang jenjang 48buba nung lir aser iba asayamung akokba sülen pa jenjang 34bubai atutsü.
Fernando Gonzalez sülen Chile nunger rongnung mezüngbuba ATP trophy akoktsü aliba nungi Pella-i Garin nokdangogo.
Tang mezüngbuba title akoker rongnung Alex de Minaur(Sydney),Tennys Sandgren(Auckland), Juan Ignacio Londero (Cordoba),Reilly Opelka(New York),Laslo Djere(Rio de Janeiro) aser Radu Albot(Delray Beach) nunger densema lir.