Guitar mongin Slash-i India nung shilem agitsü

September 27, 2015: Grammy award angur aser taoba mapang rock kenteter telok ‘Guns N Roses’ nung guitar atemsang Slash-i India semdanga guitar tema shilem agiba ajanga India linük nung pa sapurtem aika jangratemdaktsütsü.
Slash den ‘Myles Kennedy & The Conspirators’-i tang mezüng India semdangba mapang rock music aser adventure sports festival MTV Indies Xtreme nung shilem agitsü, aser iba mapang nungsa parnoki parnok kensep tasenba “World on Fire” ajungkettsütsü.
Iba kensep ya India nung October ita Sony Music ajanga sayatsü.
Iba telok nung züngsemtemji- lead quitar atemer Slash, lead vocalist Myles Kennedy, Bass guitar atemer aser kentener Todd Kerns; drummer Brent Fitz aser guitar tema ken atener Frank Sidoris nunger lir.
Parnoki tang mezüng India semdangtsü aliba dak sentakba nung sangdong ka ajanga Slash-i, “Tang mezüng MTV Indies Xtreme’ India nung ‘World On Fire tour’ atema ni yongyar,” ta ashi.
MTV Indies Xtreme ya LIVE Viacom18-i MTV Indies den ayongsemer ayongzüker aser iba ya November 7 nü Mumbai nung akaba sülen November 14 nü Bangalore nung akatsü. Item keten sentong atema ticket ayok tenzükogo.
Iba dak sentakba nungsa LIVE Viacom18 nung tatong Tir, Jaideep Singh-i, “Mezüng küm Megadeth aruogo aser tan rock mongin Slash, MTV Indies Xtreme nungeri shilem agitsü,” ta ashi.