Gujarat anti-terror bill Tir nem agütsüogo

New Delhi, September 24 (Agencies): Mangatettep aliba Gujarat anti-terror bill taoba mapang Gujarat assembly-i anaben benoka liasü ajisüaka taoba mapang UPA sorkari magizük, ajisüaka tang sorkar tasenba Narendra Modi’er sorkari ibaji agizükogo aser ibaji agizüktsü atema Tir ket nung agütsüogo.
2003 küm Narendra Modi Gujarat Chief Minister aliba mapang anti terror bill ya mezüng benoka liasü aser tang Gujarat Control of Terrorism and Organised Crime (GCTOC) Bill 2015 ya agizüktsü atema Tir Pranab Mukherjee dangi yokogo, ta home ministry ketdangser kati ashi.
Iba bill ya ajanga aibelener kati mobile phone ajanga jembiba o miima agizüker kuli ama amshitsü melar.
July ita nung Centre nung Modi’er sorkari iba bill nung Ministry of Information and Technology (IT)-i merajemba/mangatetba kar reprangshiang ta shia state sorkar nem tanaben agüja liasü.
Taküm March ita nung Gujarat assembly nung iba Bill ya agizüka liasü. Tamalen iba bill ya anaben tashi Tir-i magizüki liasü.
Iba Bill ya mezüng 2004 küm taoba Tir APJ Abdul Kalam-i magizük, aser Pratibha Patil Tir inyakba mapang nunga lai iba Bill magizük.
Iba bill benokba shiaji taoba UPA sorkari Tir dang, GCTOC Bill nung aliba ozüng aika Central ozüng aser Unlawful Activities (Prevention) Act den mapet ta shia iba bill magizüktsü benoka liasü.