Gujarat nung angopur 15 asü; ana samara mangur

Ahmedabad, Luroi/August 13 (Agencies): Gujarat kübok Devbhumi Dwarka aser Porbandar tzüküm nungi aoba rong ka meküpokba sülen angopur 15 süogo aser ana samara bushidar, ta ketdangsertemi Mongolbarnü metetdaktsü.
Dwarka Police-i ashiba agi, ita ana angopui maotsü aoshi tenokdangba agütsür liaka Rupen port nungi rong trok nung mener angopur 24 taoba Hokolbarnü ango apui apusoa ao.
Parnok rong ya hopta tatemi meküpok asütsü ta bilemer aser parnok tasümangtem Hombarnü tesem balala nung tzükümi apongtetogo. Angopur 14 tzüwaa Dwarka anasa tesem balala tongtetogo.
“Tasümang ti Dwarka kübok Rupen port nung Hombar aonung ngutetogo. Coast Guard aser state marine police team-i angopur ana samara bushia liasü,” ta Dwarka police station nung inspector PI Vasava-i ashi.
“Porbandar tzüküm nung angpur tasümang tenet ngutetogo aser Honibarnü nungi tanü tashi nung nisung 88 kümzükogo,” ta Porbandar superintendent of police Prathvirajsinh Gohil-i ashi.
Police temi ashiba agi, angopurtem ozüng alema tzüyimi ango apui aoer aser parnok kwi ango apui aoar mejangjateti lir. Ketdangsertemi tekümdangtsü agütsüba mangai rong timba ka taoba hopta tatemi apusoa ao.
Kasa mapang nung tzünglu kanga sashia aruba sülen Gujarat nung nisung 19 süogo aser tekümzükba maparen balala tang tinyakdak lir.
State meteorological department-i angopurtem dang tzüyim-i ango apui maotsü asoshi tetuyuba agütsüogo kechiyong tsünglu kanga sashia arutsü takzüa lir.
Iba dak alaka state administration-i June teyongtsü len nungi August tashi ango apui aotsü memelar kechiyong iba mapang tzüyim nung tsüngsang mongpu metakzüteter.