Vadodara, February 9 (Agencies) : North East Zone Cultural Centre, Dimapur (NEZCC)-i kümshia ayongzükba ‘Octave Festival’ Vadodara, Gujarat nung February 10-14, 2016 tashi alitsü, ta ketdangser kati osang metetdaktsü.
Vadodara nung ‘Octave – The Festival of the North-East’ alitsü aser iba benjung nung North-East India kübok state ti nungi nisung 280-i shilem agitsü, ta Vadodara district Collector, Avantika Singh-i ashi.
Gujarat nung sobaliba dak sendakba yimtibaji Vadodara lir aser benjungji Akota tesem nung aliba Sir Sayajirao Nagar Gruh nung amungtsü, ta Avantika-isa ashi.
Laisa ashiba agi, February 11 nü Nagaland Angh, Padmanabha Balakrishna Acharya-ia benjung nung adentsü.
“Anogo pungu nenjungmung nung kentenmenü, shisatokden, yartsüngsang, exhibition, theater show, vegetarian food stall tem alitsü” ta West Zone Cultural Centre Director, Udaipur, M Furqan Khan-isa osangbener dang ashi.
“India kübok Northeast tesem nung state ti- Assam, Tripura, Arunachal Pradesh, Nagaland, Meghalaya, Mizoram, Manipur aser Sikkim nunger lir aser iba jagi ‘Octave’ ta ajar” ta Vadodara district Collector-i metetdaktsü.
“North East nung alirtemi parnok sobaliba sayutsü atema Ministry of Culture, Government of India-i iba benjung 2006 küm tenzüktsü” ta laisa shisem.
You must be logged in to post a comment Login