Gujarat nung ‘Love Jihad’ osang WhatsApp nung prokdar

Ahmedabad, Feb. 10 (Agencies): Mangatettep aliba onük ‘Love Jihad’ ajanga Gujarat state anokshitsüdagi; social media, WhatsApp nung lanurtem dang tanga tamangba yimsü nungi tetsürtem den kibong kümra parnok nem senpet agütsütsü ta sangdongdar.
‘Muslim Youth Forum’ kaketshirtem ajanga Muslim nunger asangurtem dang tanga tamangba yimsü nungi tetsürtem puadaktsüba sülen kibong kümang ta ajungshir.
SMS nungji, “Muslim nunger lanur kati Hindu nunger Brahmin tsür ka den kibong kümra lakh 5 senpet agütsütsü, ano kari Sikh Punjabi tsür ka agira lakh 7 senpet agütsütsü,” ta zülua lir.
“Tetsürlaji Hindu Kshatriya kin nungi süra senpet lakh 4.5, Gujarat Brahmin tsür süra lakh 6, Punjabi Hindu süra lakh 6, Khristan Roman Catholic süra lakh 4, Khristan Protestant süra lakh 3, Jain süra lakh 3, Gujarati Kutch tsür süra lakh 3 senpet agütsütsü,” ta zülua lir.
Iba osang nungsa Muslim lanur kati tamangba tsür agira senpet agizüktsü atema tesem (address) pezü agüja lir. Iba denji phone contact 11 agüja lir.
Iba dak sentakba bushisüngdangtsü tenzükogo.

You must be logged in to post a comment Login