Gujarat nung LS menden 26 atema candidate 573-i tenüng agütsü

Ahmedabad, April 05 (Agencies): Gujarat nung Lok Sabha menden 26 atema tokteptsü asoshi candidate 573-i nomination file süogo; state nung Lok Sabha menden 26 prongla atema kenüyongi April 23 nü election agitsü.
State nung BJP aser Congress na atongtepa tokteptsü. 2014 küm Lok Sabha election nung BJP-i menden 26 prongla nungi takok ngua liasü.
Candidate temi election nung metoktepnüra April 8 tashi nungbo tenüng agientsüla.
Additional chief electoral officer, Ashok Manek-i, “State nung Lok Sabha menden 26 atema candidate ajak agi parnok 573-i tenüng agütsüogo. Tenüng agütsütsü atema tatembangbuba anogo, Brihostibar kija nunga candidate 313-i tenüng agütsü,” ta metetdaktsü.
Gujarat LS election nung tokteper tongtibang candidate tem rongnung BJP Tir, Amit Shah (Gandhinagar menden), Union Minister aser Dahod MP, Jasvantsinh Bhabhor, assembly nung opposition Congress lenir, Paresh Dhanani aser BJP MP nungi Congress party nung adensang, Babu Katara nunger densema lir.