Gujarat nung maneni BJP sorkar tashii arutsü

New Delhi, December 13 (Agencies): Gujarat nung assembly election tanabuba shilem agitsü anogo ka lia Bodhbarnü state assembly election survey osang kar sangdongogo.
Gujarat assembly election mezüngbuba shilem December 9 nü assembly menden 89 atema election agi, aser Brihostibarnü tanabuba shilemji tanüngba menden 93 atema agitsü.
Opinion poll balala aika ajanga sorkar tashi nung aliba party, BJP-i menden 100 dak tema nung takok angutsü, ta asadangtetogo; ano külen Congress-ia taoba mapang dang nungibo tang menden timba angutsü, ajisüaka yimsüsütsü atema menden peria mangutsü, ta asadangtet.
CVoter poll survey ajanga ashiba agi, Gujarat assembly elections nung BJP-i menden 109 angutsü aser Congress-i menden 76 angutsü.
Ajisüaka survey asem- CVoter, Times Now-VMR aser Lokniti-CSDS-ABP-i agiba survey balalaji medemdanga asadangra BJP-i menden 105 angutsü aser Congress-i menden 74 angutsü. Tanüngba menden asemji tanga candidates-i angutsü.
Times Now-VMR opinion poll ajanga BJP-i menden 106-116 angutsü ta asadangtet, CVoter/TV9-i BJP-i menden 109 angutsü ta asadangtet aser Lokniti-CSDS-ABP-i BJP-i menden 91-99 angutsü ta asadangeta liasü.
Assembly menden 182 aliba state nung yimsüsütsü atema party kati tajemba agi menden 91 nung takok angutsü nüngdaker.