Gujarat nung Vijay Rupani den minister 24 tenangzükba agiogo

Ahmedabad/Gandhinagar, August 07 (Agencies): Tanü Gandhinagar, Mahatma Mandir nung Gujarat Angh OP Kohli-i ketdangsüa Gujarat Chief Minister, Vijay Rupani aser deputy chief minister, Nitin Patel na den minister 23 tenangzükba agidakja sorkar tasen kümogo.
Taoba chief minister, Anandiben Patel’er ministry nung cabinet asem aser junior minister trok züngdokogo, aser parnok rongnung Saurabh Patel, Raman Vora aser junior home minister Rajni Patel nunger dena lir.
CM Rupani-i aniba sorkar nung minister tasen teku shim, aser tangbo Patidar kin nungi minister ti lir.
Arishi küm 61, Rupani ya Ato kilonser Narendra Modi aser BJP tongti Amit Shah na den tesentakatep junga lir aser pa chief minister menden atema Hokolbarnü shima liasü.
Taoba hopta Anandiben Patel-i Facebook ajanga la arishi küm nung kanga tain akümba kuli nung ajemdaker lai CM menden nungi sodi meshiba sangdonga liasü, aser laibo cabinet minister Nitin Patel nem CM menden agütsünüa liasü.
Ajisüaka chief Amit Shah-i Rupani shimtsü atema tekong meranga jembia liasü.