Gulen merenshitsü atema alima ajungshir: Erdogan

United Nations, September 21 (Agencies): Alimai US nung jenoka alir tamangba yimsü putir, Fethullah Gulen nem tapet temerenshi agütsütsü tajungshiba olen ka Turkey Tir, Tayyip Erdogan-i yashi, Mongolbar nü metetdaktsüogo.
“Gulen aser pai aniba kiralongrar telok nem tapet temerenshi agütsütsü asoshi alima ajungshir,” ta pai sangoktsü.
Gulen-i ajungmesoba sülen Turkey mitkar telok kati Turkey indang yimsüsütsü tashi tashiyim agi agitsü maparen tamakok ajurua taküm July ita inyak ta Turkey sorkari züngshia, Gulen par linük nem amoktsütsü takhangba onük US sorkar den benokogo.
Ano, par Turkey nem European Union (EU) nung züngsemtsü temeten nangzükba ama magütsüba ken o nung ajemdaker Erdogan-i EU tenteta aija liasü.