Gurgaon nung “Majnu Returns” inyakdang tebur 50 dak tema apu

Gurgaon, August 28 (Agencies) : “Majnu Returns” inyakyim nung ajemdaker mita aoba balaka tenzükba sülen tetsürtem dang o mashi shia mesüshir mesüra tim mesüi benshir parnok tebur 50 dak tema pua lir, ta Gurgaon police-i ashi.
Iba mita aoba mapa ya tetsür police temi police süoshi mesemi civilian ama süoshi semer, Mehrauli-Gurgaon (MG) Road nung Hokolbar anepdang 11:00 ako nungi Honibar anepdang 1:00 ako tashi inyaka liasü, ta Assistant Commissioner of Police Dharna Yadav-i ashi.
Item police tetsürtem aser ano tanga tetsür MG Road nung Sahara Mall aser Metro station tem dena tesem balala 10 nung ata liasü. Iba mapang tetsür mesüshia o mashi jembir aser tetsürtem dak tim masüba yimya benshir tebur jenti ajuru.
Iba yimya tamajung benshir tebur 50 dak tema tang Sector 29 nung aliba “Majnu Room” nung yua lir.
Yaküma iba ama mita aoba mapang tebur 250 shi apu.
“Majnu” ya Laila-Majnu nungi olong tesadang ka agizüka amshirba lir.
Tanü asüng iba olong ya tetsür aginüa shi nung medemtsü bushir teburtem atema amshir.