Gurmeet actor akümtsü Shatrughan-i ajungmeso

Mumbai December 09, 2016 : Actor Gurmeet Choudhary ya tang pai shilem agiba film “Wajah Tum Ho” sayatsü ataba mapang lir aser pai, tang yimsüsür aser actor tejen Shatrughan Sinha-i ni actor ka akümtsü ajungmeso, ta ashi.
“Shatrughan Sir-i ni actor akümtsü ajungmeso. Pai inyakba ajak jangratemtsüka aser iba jagi ni kanga ajungmeso. Pai shilem agiba film tem nungi ni kanga angazükogo,” ta Gurmeet-i sangdong ka ajanga metetdaktsütsü.
Ni Shatrughan Sinha ajurudang kanga pela aser iba mapang kodanga mamatettsü, ta pai ashi.
“Pa ajuruba aser pa den sensak asembaji kü taküm nung tamamatsü mapang ka lir. Pa dak aküm ka lir aser iba aküm ya nüngtugu aser tongtibang nisungtem dak dang alir,” ta Gurmeet-isa ashi.
“Wajah Tum Ho” film ya “Hate Story 2” aser “Hate Story 3” film tem direct asüsang, director Vishal Pandya-i direct asü aser iba film December 16, 2016 nü sayatsü.
Iba film nung Sana Khaan, Rajniesh Dugall aser Sharman Joshi nungeria shilem agia lir.