Gurugram anasa Morok Keyi ka zükset

Gurugram, November 24 (Agencies) : Brihostibarnü Gurugram anasa aliba aluyimertemi küm ana shi tain morok keyi ka zükset, ta ketdangsertemi metetdaktsü.
Morok keyi yagi Gurugram yimti nungi kilometre 26 shi pilar aliba Sohna anasa Aravali tenemtsü nung aliba Mundawar yimtsüng nung nisung trok (6) yirutsüba sülen zükset.
Iba keyi ya Brihostibar anepdang yimtsüng telungi ait aser lendong agütsüba ajanga yimtak alirtemi tepset.
Keyi agi yirutsüba nisung trok rongnung nisung pezü tashi Sohna civil hospital nung mungdar.
Yimtak alirtemi iba keyi yim telungi aitba osang forest department tem nem metetdaktsü, ajisüaka ketdangsertemi mapang shitak nung tesem tonga maru.
Forest department-i teinyaktsü tim mapang shitak nung meinyakba ajanga nüburtemi keyi tasümangji Sohna-Ballabgarh lenmang tiyong nung yur garitem mejajadaktsüi nokdanga liasü.
Nüburtemi, iba morok keyiji tesüiba küm ka shi iba tesemlen anguba ajanga forest department nem osang agütsü ajisüaka parnoki teinyaktsü tim meinyak, ta police dang ashi.
Keyi indang tasümangji sensaa reprangtsü atema benerogo.
Iba tatalokba atema jembinüa bushiba mapang forest department nung ketdangsertem ka tanga majuru.