Gurugram nung samaba Naga nungba nguogo

New Delhi, July 30 (Agencies): Nagaland nungi arishi küm 25 tain Vangba Phom Gurugram nung samar bushitepa aru aser July 29 aonung pa police-i nguogo.
Metro Station nung mapa inyaker kari Vangba ajitet aser iba sülen Delhi Eastern Naga Union aser Naga Students Union Delhi nem osang sangoktsü.
NSUD aser DENSU-i ashiba agi pa anogo 4-5 ka chiyungtsü shitak mechii timtemba agi kanga kongra kümer liasü.
Vangba-i ashiba agi pai pa indang roommate den mangatettep ka adok aser iba jagi tejashi nung jena ao.
Pa iba yimti nung tasen asüba agi tesüiba anogo 8 tashi kolensa senzü’ar meshiteter, ta paisa ashi.
Police-i DENSU aser NSUD ket nung Vangba agütsüba sülen pa Nagaland House, Delhi-i anir ao.
“Abel-i anir Gurgaon Helping Hands volunteers dang pai kanga pelar. Delhi aser Gurgaon nung parnoki kanga meranga pa bushiba atema ni volunteers nem sempet agütsütsü” ta Robin Hibu IPS Delhi-i metetdaktsü.