Guwahati airport den linük 7 sendakteptsü

Guwahati, Mongputeni (October) 15 (Agencies): Union Ministry of Civil Aviation-i tawa tu international air connectivity scheme mulunga agizükogo aser iba ajanga Guwahati airport den linük tenet sendakteptsü.
Iba scheme kübok Guwahati nungi Singapore, Bangladesh, Bhutan, Nepal, Myanmar, Malaysia aser Vietnam linüktem tashi tayimtsütem senzütsü.
Iba mapa atema sorkari küm asem atema sen crore teyari agütsütsü.
“Airport Authority of India-i Ministry of Civil Aviation aser Assam sorkar tenüng nung International air connectivity scheme (IACS) Udan kübok airlines shimtsü atema bids meshiogo” ta Additional Chief Secretary to industries and commerce department of Assam, Ravi Capoor-i ashi.
Tanü putui temelenshi tasen aginür koba ajanga northeast nung terenlok bener arutsü aser mapa angutsü, ta Assam Chief Minister Sarbananda Sonowal-i ashi.
“Prime Minister Narendra Modi lenisüba kübok northeast terenlok putu ka nung ajemoker. Iba putu tasen nung entrepreneur temi shishilembaba tangatetba ajungkettsü aser northeast nung terenlok bener arutsü” ta Sonowal-isa shisem.