Guwahati nung bus ka nungi bomb ngutet

Guwahati, Monupii  2 : A bomb disposal expert kati explosive ka bomb disposal trolly nung inoktsüba noksa nung angur.

Guwahati, Monupii (May) 2 (Agencies): Assam police-i Rasemnü Guwahati nung passenger bus ka nung handmade bomb tozük nung seret ana ngutetogo.
Osang ajanga ashiba agi, itangitertemi osang agütsüba dak ajemdaker Guwahati city police-i lower Assam kübok Barpeta district nungi Guwahati yimtii aruya aliba bus ka yimti nung Basistha tesem nung sota bushiba mapang nung bomb ya yangko ka nung seper lia ngutet.
Iba osang angashili police ketdangser tongtitem aser bomb squad team iba tesemi idangjisa ao aser bomb ya Khanapara field-i bener oa idakji defuse sütsü.
Guwahati city police, Joint Commissioner, Diganta Borah-i ashiba agi, iba yangko nung poja bomb yangludang amshiba oset aser kar ngutet. “Onoki yangko telung nung aina tejaksa kar aser connecting wires kar ngutetogo. Iba ya low intensity bomb ka liasü aser bomb squad team-i defuse sütsüogo,” ta Assam police ketdangser kati ashi.
Iba ken o dak sendakba nung police temi iba bus driver aser handayman pua yua lir.