Guwahati nung kaketshir ka marks 100 mangubayong soseta asü

Guwahati, Tsüklai 02 (Agencies): Chandmari, Guwahati nung alir Class X nung azünger tetsür ka lai aginüba ama tatidang nung marks manguba ajanga Sangtennü soseta asü.
Iba kaketshir ya Holy Child School nung azünger aser la ya lar tsürabur maliba mapang Milanpur nung lar kidang süngzü agi alenseta asü, ta osang ajanga ashi. Lai ‘suicide note’ ka yuja liasü, kong lai tatidang nung marks 100 mangubayong iba mapa ya inyak, ta zülua liasü.
Iba mangyim tejashi agi la tetsüa Yangtepnü phenyl jemer soseta asütsü merang aser la mozükidang anepaluba mapang lir.
Iba lendong ajanga kaketshirtemi tatidang nung marks tajung angutsü khuret abenba maneni sayur.