Guwahati nung NEC plenary session alitsü

Shillong, June 26 (Agencies): August 3 aser 4 anogotem Guwahati nung North Eastern Council (NEC) indang Plenary Session alitsü. Iba senden nung mendenji Union Minister Amit Shah asütsü.
New Delhi nung NEC Shillong indang Newsletter adok tasembuba sayadang Union DoNER minister Jitendra Singh-i iba osang metetdaktsü.
NEC ya küm nung anaben ajurutepa senden amener. Taoba Plenary ji yaküm July 8 aser 9 anogotem amung.
Newsletter sayatsüdang Dr. Jitendra-i ministry of DoNER aser NEC nung ketdangsertem aser staff nem tenüngsang agütsü.
North Eastern State tem nung terenlok mapa inyakba atema pai pelaba ashi.
Prime Minister Narendra Modi lenisüba kübok Centre sorkari North East renlokdaktsütsü atema temolung agüja inyaker, ta Dr. Jitendra-isa shisem.
“Taoba küm pungu tashi terenlok mapa inyakbatem maneni sorkar tasenbai inyaktsü. North East nungertem taküm libaliro tajungba kümdaktsütsü atema onoki inyaktsü” ta Union Minister-isa metetdaktsü.
NEC ya North Eastern Council Act, 1971 ajanga tentetba lir. North Eastern Region nung state 7 atema iba telok ajanga mapa inyaker.