Guwahati nung North East Skill Centre (NESC) semzükogo

Guwahati, March 07 (Agencies): Assam sorkari ITE Education Services (ITEES), Singapore den senteper Guwahati nung North East Skill Centre (NESC) ka amenokogo; Iba Centre ya Assam Skill Development Mission (ASDM)-i ketdangsüa reprangtsü, ta tanü osang ka ajanga metetdaktsü.
Iba centre ya Assam Chief Minister, Sarbananda Sonowal-i semzükja liasü.
Ketdangsertem osang ka ajanga ashiba agi, NESC-i International Standard nung inyaktsü aser state nung skill training facility tajung agutsütsü; iba centre ajanga küm shia nisung 400 nem Food & Beverage Service, Housekeeping, Retail Service aser Beauty & Wellness indang training agutsütsü.
Tamalen Ato kilonser, Narendra Modi-i Institute of Technical Education (ITE), Singapore semdangba mapang nung pai India nunga Internatinal Standard nung training agutsütsü atema iba ama kasa technical education facilities lapokner, ta lemsatepa liasü.
Iba sülen 2016 küm October ita nung iba centre lapoktsü atema ITEES aser Assam sorkar na tsüngda Memorandum of Understanding (MoU) ka sign süa liasü, aser tang atangji nung iba centre amenokogo.
Osang ka ajanga ashiba agi, iba training kübok course temji ITEES-i state tesem ajaklen ‘Need Based Analysis’ asadangba sülen shimogo.
“Candidates training agiba sülen mapa kar nungbosa atongoktsü atema NESC-i mapa sector pezü nung tongtibang industries den longjemogo. NESC-i Industry tem nüngdak reprangteta inyaktsü aser Northeast nung loktiliba-rongsenkettsüng nungitttsü,” ta kasa osang ajanga metetdaktsü.