Guwahati nung osangkakettem mangutsü; State ajunga shibanger

Guwahati, March 23 (Agencies): Mongulbar nungi Guwahati yimti nung osangkaket mangutsü akok kechiyong All Guwahati Newspaper Hawkers’ Association-i coronavirus wara atema osangkakettem malemtsü telemtetba agiogo.
March 24 nungi March 31, 2020 tashi parnoki osangkakettem malemtsü telemtetba agiogo.
“Coronavirus wara prokshiba nung ajemdaker, onoki subscribers temang kümzüka ayutsü atema iba telemtetba agi” ta All Guwahati Newspaper Hawkers’ Association secretary, Brajen Barman-i osangkaket kiburtem dangi züluba shidi nung shia lir.
Assam nung coronavirus aketba nisung ka danga puteta mali saka state sorkari iba tashidak azüoktsü atema tenokdangba aika agütsüogo.
Külen, Assam sorkari Mongulbar nikongtsütsü 6:00 ako nungi March 31 tashi state ajunga shibangtsü osang sangoktsüogo.
Iba ya March 31, 2020 ayaterm tashi asütsü, ta Hombarnü metetdaktsü.
“Kodanga matalokdangba atalokdang, meinyakdangba mapatem inyaktsüsa akümer. Asüng aonung 6:00 ako nungi March 31 tashi state ajunga shibangtsü” ta Assam health minister Himanta Biswa Sarma-i tanü ashi.
Iba tenokdangba kübok grocery shops, chemists aser petrol pumps lapoktsü aser electricity, water supply, fire brigade o medical services mapa inyakertem medendaktsütsü.
State ajunga shibangba mapang public transport kecha mesenzütsü aser tashi mangartem ozüng tesashi agi merenshitsü, ta Sarma-isa ashi.