Guwahati nung prangpong-injang shibelener 2 apu

Guwahati, November 12 (Agencies): Guwahati nung aliba hotel ka nung Honibarnü police-i prangpong-injang shibelener nisung ana apu.
Osang tejangja kar angazükba sülen police-i hotel ka mita oa reprangdang, Nagaland nungi prangpong-injang shibelener nisung ana apu aser tena ket nungi point 22mm pistol ka den injang aser mobile handsets ana ngutet, ta Guwahati City Police Commissioner, Hiren Nath-i ashi.
Tenaji Zamathan aser Arlia na lir ta jangjaogo. Tenati Guwahati nung gari auyar telok ka dang prangpong-injangji yokdoktsü merang, ta police ketdangserisa ashi.
Linük kübok tanga tesemleni prangpong-injang shibelenba maparen nung Assam ya tongtibang lenmang ka kümogo. Tesüiba küm ana tsüngda Assam police-i state kübok tesem balala nungi ozüng alema shibelenba prangpong aser injang 1000 den tema puogo.