Guwahati nung sen teshisa aika angu

Guwahati, November 14 (Agencies): Hombarbep Guwahati nung kilentzü yimdokdak ka nung sen lakh 30 dem tema senpak 500 aser 1000 tem angu.
Ghoramara Chandan Nagar tesem nung alirtemi senji angu aser parnoki police nem osang sangoktsü. Police tesem tonga aruba sülen forensic tests agitsü atema sen kar bener ao.
Sorkari senpak 500 aser 1000 agienba ajanga nisung kari ozüng alema sen bendena aliba endok asütsü akok ta osang kar ajanga ashi.
Ano, tanü Rukminigaon anasa Bahini ayong nunga, Rs 500 aser Rs 1000 sen polyethylene bag ka nung enoker lia angu.