Guwahati nung tapoktsü 2 apok; nisung 3 yiru

Guwahati, December 05 (Agencies): Honibar nikongdang Guwahati nung shishilembaba tongti tesem, Fancy Bazaar nung tapoktsü ana atonga apokba ajanga nüburtem kanga aoksatepogo.
Iba lendong nung nisung asem yirua liasü.
Osang angazükba agi, ‘firecrackers’ kar jana intokdak pokdaktsüba ajanga oset tesashi anaji apok.
Tamasabo police-i yimjung olemtep nung madenba telok ULFA züngsemtem mapa asütsü ta temulung melemi bilem, ajisüaka tesülenbo tapoktsü anaji ‘low-intensity’ tapoktsü liasü ta jangjaogo.
“Iba apokba yimya ajanga ibaji grenade mesüra bomb tesashi liasü ta mesayur. Ibaji grenade mesüra bomb süra teraksatsübaji kanga tali süla,” ta Guwahati Police Commissioner, Mukesh Agarwala-i ashi.
“Onoki ibaji bushisüngdangdagi aser iba tatalokba kuli tejangja bushitsü atema onoki forensic telok jaogo,” ta paisa ashi.