Guwahati nung tetsü ka tepset; jala yirutsü

Guwahati, July 3 (Agencies): Guwahati kübok Panjabari tesem nung Mongulbar aonung mejangjatetba nisung kari tetsü aser jala ka amakba sülen tensa mejungi küma lir.
Mejangjatetba nisungtem jagi Urvasi Koibatra’er kidangi atu aser la den lar jala Thapona Koibatra na dak teka sangshi.
Ganesh Mandir anasa aonung 9:30 ako meta iba lendong atalok. Iba mapang tetsü o jala naprong kanga mejungi yirur GNRC Hospital-i anir ao saka tetsü mozü kidang asü.
Iba tesem nung alirtemi ashiba agi mejangjatetba nisung telok kati iba mapa inyak. Satgaon police-i bushisüngdang ka tenzükogo.
Külen, Koibatra’er kinungertemi ashiba agi jalai tetsü aser la amakba telokji jangjaogo.
Parnok nisung pezü liasü aser tetsür ana dena lir ta jalai ashi.
Police-i par pezü rongnung nisung ana puogo saka ana jenogo.
Urvasi Koibatra tedii ashiba agi, nisung telok jagi sen lakh 10 meshi saka magütsüba agi parnok amak.
Jala Thapona ji Dispur nung aliba GNRC Hospital nung anepaludar aser iba osang zülu tashi nung la tajungba lir.