Guwahati nung totzü ayokdak shiti sen mamshitsü

Guwahati, Rongchii/April 18 (Agencies): Digital India dak sendakba nung jenjang tongtibang ka agia, Assam yimtiba Guwahati nung petrol pump kiburtemi Brehostibarnü nungi parliamentary election madem tashi shiti sen mamshitsü atema telemtetba agiogo.
Osang ajanga ashiba agi, Lok Sabha Elections atema Model Code of conduct (MCC) benokba sülen petrol pump kiburtem sen tsüdatepba tsütsü kanga timtem ajurua arudar.
Temetettsükaji, taküm Lok Sabha election mapang state nung petrol pump kibur aika Election Commission of India (ECI)-i asadangogo.
Petrol pump kiburtemi ashiba agi, bank tem nung sen deposit asüba mapang timtem aika ajurua aruogo, ibayongji parnoki Brehostibarnü nungi election madem tashi shiti sen mamshitsü atema telemtetba agi.
Ajisüaka debit mesera credit cards amshia totzü aliba ajanga talir mesera petrol pump kibur nem talila tebilemtsü magütsütsü.