Guwahati nungi Rajkanya Femina Miss India nung subtitle ana nguogo

Guwahati, March 28 (Agencies) : Guwahati, Assam nungi aiür tobur tajung, Rajkanya Baruah-i tang tetoktepdak ‘Femina Miss India 2016’ nung subtitles ana nguogo.
Rajkanya-i Olivia Cosmetics Bleach Miss Glowing Skin aser Triumph Miss Perfect Body subtitle tem anguba sülen la-a April 9 nü iba tetoktepba finale nung adentsü.
Sahara Start Hotel, Mumbai nung March 22, 2016 nü kanga terepangnütsüka toktepba sülen takok angurtem tenüng metetdakja liasü. Iba toktepba mapang shilem agirtem ajak designer Sonaakshi Raaj-i design asüba sobütsütem sobur toktep. Parnok tetoktepertem ya Industry experts aser panellists temi asemnü tashi tetendanger külenang takok angurtem tenüng metetdaktsü.
Iba akümket sentong nung fashion aser glamour industry nungi nüngtugu nisungtem aika arua aden aser parnoki shilem agirtem dang finale tonga tua takok angutsü ajungshia liasü.
FBB Femina Miss India 2016 finale sentong ya Yashraj Studio nung akatsü.
International Business Marketing & HR nung MBA renemer alila, Rajkanya Baruah-i Femina Miss India takok korang Northeast-i bener arutsü kanga imlar.
Yimti nung aliba beauty salon tejen rongnung ka, Darpan beauty salon kibur aser Rajkanya’er medemtsür Papori Dutta-i, “Rajkanya-i Miss Glowing Skin sub contest nung takok anguba angashia kanga pelar. Darpan nung inyaker ajaki la finale nung takok angutsü yongyaseta atar,” ta ashi.