Guy Ritchie-i taruba James Bond film direct asütsüa akok

Lo Angeles, September 18 (Agencies): Film yanglur, Guy Ritchie tang Los Angeles nung lir, aser pai film producer, Michael G Wilson den James bond film director, Sam Mendes melenzüktsü atema jembitsü, ta mirror.co.uk osang ajanga ashi.
Osang ka ajanga, “Guy-a shimsema lir (James bond film direct asütsü) aser tang pa temaba jenjang nung lir. Tan hopta pai Michael ajurutsü aser tezüngzüktep ka agitsü meranga iba film atema tena tangatettep kati arutsüa akok,” ta ashi.
“Bond 25 atema Guy shimtsüsa akok aser tang pai Los Angeles semdangba ajanga maongka taliba angutsü. Pa dak Sam sempet mali, saka Guy ya kanga kerar, aser tetangshi stunt director ka lir,” ta kasa osang ajanga ashi.
James Bond film tesütiba ana- ‘Skyfall’ aser ‘Spectre’ na Sam Mendes-i direct süa liasü, ajisüaka taküm May ita nung pai, “joko ni Bond film direct masütsü, kechiyong ni maparen tasen ka nung rangloktsü,” ta sangdonga liasü.