Gwen Stefani aser Blake Shelton na kibong akümtsü sentong atonger

Los Angeles, August 6 (Agencies) : Gwen Stefani aser Blake Shelton na ita pezü shi meimtepa aruba sülen tena kibong akümtsü sentong atonger ta osang angazüker.
Gwen aser Blake na TV talent show- The Voice US nung tetendanger ama külemi shilem agidang meimteptsü tenzük.
Küna khen nung sakloktep aser memeteti dang meimtepadok, ta Gwen-i osangbener dang ashi.
TMZ ajanga ashiba agi Gwen aser Blake nati tena kiyimba sentong atema wedding planner ka hire süogo.
Gwen-i Gavin Rossdale aser Blake-i Miranda Lambert den balaba sülen tena TV Show nung külemi shilem agidang meimteptsü tenzük.
Küm 13 tashi apuani süa arur Gwen-i yaküm August ita kinungbo Gavin Rossdale den bala. Gwen aser Gavin na balatsü hopta ana tejakdang Blake-ia küm pezü tashi pa kinungtsü Miranda Lambert den balatsü ken o benoka liasü.