Gwyneth Paltrow aser Chris Martin na balaogo

Los Angeles,  May 28, 2016 : Actress Gwyneth Paltrow aser Coldplay kentener telok nung ken atensang Chris Martin na official süa balaogo.
Tena küm 12 kibong kümer liasü aser tena tsüngda tesüiba mapang nangzüktepa aliba ama kinungtsü aser kinungbo masütsü lemtetogo, ta Us magazine osang ajanga ashi.
Tena indang tanurtem shibai anepalutsü ibaji ano melemtet.
Arishi küm 39 tain, Martin nem balatsü atema shidi yokba pai melangzüba ajanga arishi küm 43 tain, “Iron Man” film nung shilem agila, Gwyneth Paltrow-i, obendanger ka dang kinungbo tena tsüngda tesentaktep tembangtsü ashiba mapang tena züngzüngtepba mapang atong.
Tena oset aser tanur lemdangba mapang tena tsüngda tesüiba mapang züngzüngtepba osang tejangja tena ket nung alitsüla. Tang tashibo tena jabaso Moses arishi küm 10 aser jala arishi küm 12 prong tenati reprangdar.
2014 küm Paltrow indang website, Goop site ajanga Martin tena pilaba osang sangdonga liasü.
Aji oda süaka iba osang metetdaktsüba sülena tena tsüngda tesentaktep tajung liasü aser tanurtem den külemi südoksünemasa mongogo.