Gymnast Samir Ait Said tetsüng sükdang

Rio de Janeiro, August 07 (Agencies) : Tang temongdak Rio Olympics nung France nunger gymnast Samir Ait Said vault nung shilem agitsü atema qualifying round mapang tetsüng kanga mejungi sükdang.
Arishi küm 26 tain, Said ali nung lua anendang pa tetsüng tabelen tesem shitak nung majemdaki temang rangben agi anenba agi sükdang.
2013 European Championships mapang rings nung gold medal ngua alisang, Said yiruli lakep ka nung anioker asaya tesem nungi anir ao.
France nungi team leader Corrine Moustard-Callon-i, “Onoki pa tetsüng ret anarong nung telungba aser tuluba sükdang ta jangjaogo saka ya kechi koma sür atalokar memet,” ta ashi.
Lai, “Pa dang mozü kidang Doctor tem den lir aser pa teret dang asü ano tanga-a raksaa lira metettsü atema tetendangba balala agitsü,” ta shisem.
“Pa maliba ajanga telok kanga akoksatsü. Telok rongnung pa sasapela taketba liasü aser ajak toktsür pa medal angutsü timla tulu nung aruba lir,” ta lai ashi.