Haenow-i Clarkson nungi teyari agia single ken tasenba yanglur

London, September 30 (Agencies): ‘The X Factor 2014’ tetoktepba nung takok angusang, Ben Haenow-i nüngtugu pop kentener, Kelly Clarkson nungi teyari agia par single ken tasenba, ‘Second Hand Heart’ adoktsü renemogo ta Femalefirst-i metetdaktsü.

“Ni adoktsü renemba kensep tasenba nung ‘Hitmaker’ ken atenba sülen 2002 American Idol takokba angula, Kelly anioksema la den duet atenba singles ken densema lir aser nüburtem nem iba ballad kenji angadaktsütsü jangrar,” ta Ben-ia metetdaktsü.

Kelly ama nüngtugu kentener ka indang ola densemba ajanga Ben-i adoktsü renemba kensepji nüburtemi kanga dang saputsü ta osangisa ashi.

OneRepublic teloki yaküm December ita adokba kensep nung ‘Something I Need’ ken tena shilem agiba sülenbo arishi küm 30 tain Ben-i tan mezüngsüa ken tasen mejema adoktsü renemer lir.