Haj lendong nung India nunger 35 asü

Mina, September 27 (Agencies) : Taoba hopta Haj mapang nisung ajemsetba lendong nung India nunger tasür ajak agi parnok 35 jungogo. Saudi Arabia nung ketdangsertemi tasümang jangjatsü bushidang India nunger mang 13 bushitet.
“Tia maka ano India nunger tasümang trok ajitetogo aser iba jagi tasür 35 lir” ta tanü external affairs minister Sushma Swaraj-i Twitter nung metetdaktsü.
Iba lendong nung tasürtemji 769 liasü aser yirua alirtemji 934 lir ta Saudi ketdangsertemi metetdaktsüogo. Yirua alirtem rongnung India nunger parnok 13 dena lir.
Saudi Chuba Salman-i iba tatalokba bushisüngdangtsü atema luden ka shimtsü tetuyuba agütsüogo.
Anogo pungunü temeshi aini aoba sentong nung linük 180 nungi nisung million 2 jungnüa adenshi aser India nungia nisung lakh 1.5 shi liasü.
Jeddah nung aliba Haj Consulate-i tang tesüsaba India nunger tasür 13 ajitetbaji, Mansurul Haque (Jharkhand), Anvar Janha (UP), FA Muneer Veetil, Amina Beevi, Abdul Rahiman Asarithodi, PV Kunhimon and Moiuddin Abdul Kader (all from Kerala), Jaibun Nisha (Bihar), Nashima Khatoon (Jharkhand), Mohamed Younus Rahimbhai Mansuri (Gujarat), Bibi Ismail (Gujarat), Mehrunnisha Hanif (Gujarat), aser Muhammed Yusuf Sikandarmiyan Malik (Gujarat) nungertem liasü.