Hajj lendong nung asür India nunger 81 jungogo

New Delhi, October 08 (Agencies): Taoba ita Saudi Arabia, Mina nung Hajj lendong tulu ataloka liasü, aser iba lendong nung India nunger asür 81 jungogo aser aika menguter.

Saudi ketdangsertemi India nunger samar aliba bushiba mapang Minister of State for External Affairs V K Singh-a Saudi nung liasü ta shia tanü MEA otongdar Vikas Swarup-i, iba lendong nung asür ano India nunger nisung tenet jangjaogo, aser ibaji densemabo India nunger asür 81 jungogo, ta ashi.

“Indai nunger temeshi aine aor bushiba maparen nug yarisemtsü asoshi minister-i Saudi Health Minister dang asüngdangogo. Paisa, nisung samaba osang aika Indian mission nung anüngdaka lir aser ibaji identification inyakyim tembangba sülenang jangjatsü ta shiogo. Saudi minister-i Singh dang akokba tashi agi yaritsü aser nungittsü ta shiogo,” ta MEA otongdarisa ashi.

September 24 nü Hajj benjung mapang temeshi aine aortem lenmang balala nungi ajurutepba mapang lokti tulu nungtepba ajanga iba lendong ataloka liasü.

Saudi ketdangsertemibo iba lendong nung nisung 717 asü ta tamalen metetdakja liasü, ajisüaka linük balala aser osangbenertem ajangabo iba lendong nung nisung 1000 dak tema süogo ta metetdaktsüogo.