Half Girlfriend film sayaba anogo nung sen crore 10 dak tali aazük

Mumbai, May 20 (Agencies): Arjun Kapoor aser Shraddha Kapoor nati tongti shilem agiba film Half Girlfriend sayar mezüng anogo box office nung sen crore 10.27 aazükogo.
“Half Girlfriend film ajanga mezüng anogo nung aazükba agi onok kanga temolung asür. ‘Baahubali’ film linük ajunga nung kanga nüngtugu süa reprangtepba mapa ka nung aser IPl asaya teyalong nung süaka iba film sayar mezüng anogo nung sen crore 10.27 aazükogo,” ta NH Studioz nungi Shreyans Hirawat-i ashi. Iba company ajanga linük ajunga iba film lemshir.
‘Half Girlfriend’ film ya linük ajunga nung Hokolbarnü film sayudak 2500 nung sayaa liasü. Iba film ya Chetan Bhagat indang otsü katet nung ajemdaker yangluba film ka lir.
kasa mapang nung Irrfan Khan indang film ‘Hindi Medium’ ya sayaa liasü aser iba film ajanga tetenzükba anogo nung sen crore 2.81 aazük.
‘Hindi Medium’ film ya sen crore 22 indoka yanglu aser tang tashi nung digital, satellite, music aser overseas rights ajanga crore 15-bo ajangzükogo.